Thursday, May 04, 2006



اون ايکي ايمام

سؤيله يه ن: يوسف دباغ پور ايراني

توپلاييب سهمانلاشديران: احمد حسامي پور

dr.ahmetege@gmail.com

1- آت اوينادان قولچاقلارين مئيداندير
محممد (ص) شهريندن تؤکوله ن قاندير
اوول ايمامين علي (ع) شاه-ي مرداندير
ايکينجي ايمامين خبر آل ديييم

2- سحر- سحر باد-ي صبا اسه ندير
سئيره بولبول يول اوستونو کسه ندير
ايکينجي ايمامين ايمام حسن (ع)دير
اوچونجو ايمامين خبر آل ديييم

3- کربلا چؤلونده غاليبدير عئينيم
اوخودوم قورآن'ي آچيلدي ذئهنيم
اوچونجو ايمامين ايمام حوسئين'يم(ع)
دؤردونجو ايمامين خبر آل ديييم

4- باهار اولو داغلار گييه ر آبي دون
دين اوستونه دين گتيرديک تا بو دين
دؤردونجو ايمامين زئين العابيدين (ع)
بئشينجي ايمامين خبر آل ديييم.

5- بير مجليسده اوتورورسان عاغيلسن آغير
موشگولده قالاندا مولاوي چاغير
بئشينجي ايمامين محممد باغير (ع)
آلتينجي ايمامين خبر آل ديييم

6- دونيا مالين ييغديق ييغديق بوداديق
اوستوموزه گليب نئچه مين هاديق
آلتينجي ايمامين جعفر-ي صاديق (ع)
يئددينجي ايمامين خبر آل ديييم

7- توت اوروجون، قيل نامازين قويما گئتسين قضايه
قييامت گونونده وئره رلر عذا ايله جزايه
يئدينجي ايمامين ايمام کاظيم موسايه (ع)
سگگيزينجي ايمامين خبر آل ديييم

8- قورآن'دا يازيليب علي العظيم
دئمه هئچ نامرده اورکده سيرر-ي سؤزون
غريب ايمام ايريضا(ع) سگگيزينجي ايمامين
دوققوزونجو ايمامين خبر آل ديييم

9- مئيدانگاه ايسته سه ن قاپين قاباغي
سئيرانگاه ايسته سه ن بئهشتين باغي
دوققوزونجو ايمامين محممد تاقي (ع)
اونونجو ايمامين خبر آل ديييم

10- بوستانجي بسله‌ييب شاماما تاغي
شمعلرده يانار اوره ييم ياغي
اونونجو ايمامين علي الناقي (ع)
اون بيرينجي ايمامين خبر آل ديييم

11- گؤيدن گئچه ن جبراييل'ين پريدير
قيزيل گوللر محممد'ين (ع) تريدير
اون بيرينجي ايمامين حسن عسگري (ع)دير
اون ايکينجي ايمامين خبر آل ديييم

12- قاريشقالار هوودي- هوودي هوولانير
ايستي کَسو باشيم اوسته توولانير
يئر آتشله نير، گؤي الوولانير
اوندا دييير گونون نئجه گئچدي بي ناماز