يونس آقايان بئي اعدام حؤکمونون قاچيلماز تهلوکه سينده

يونس آقايان بئي اعدام حؤکمونون قاچيلماز تهلوکه سينده
ساي: ۵۱۳/۲۰۰۹

ايلايگون: ۱۳ مارچ ۲۰۰۹



ب.م.ت، اينسان حاقلاري اوزره عالي کوميسسارليق، ژنو؛

لوطفن بو ايلتيشمه ني يارغي-اؤته سي، شيديرغي اوز-خوشونا اعداملار اوزره اؤزل راپورتئره چاتديرين، هابئله آشاغيداکي قروپلارا دا دخلي وار:

• اؤز-خوشونا توتوقلولار اوزره چاليشان قروپا
• قاضيلارين و وکيللرين باغيمسيزليغي اوزره اؤزل راپورتر
• بيان و فيکير سربستليگي نين ايره ليلگيشي و قورونماسي اوزره اؤزل راپورتئر
• چاغداش عيرقچيليک، عيرقي آيري-سچکيليک و يادئلليلره قارشي قاتلاشمازليق اوزره اؤزل راپورتر
• ميللي آزليقلار اوزره موستقيل موتخصيص

اوزو: دايک بئي، خانيم هاريسون، آمنئستي اينتئرناشنال، لندن
هابئله: اينسان حاقلاريني گؤزتن و اينسان حاقلارينا قوللوقچو؛ هئلسينکي اينسان حاقلاري

سايين جنابلار؛

سون دوروم ۱: يونس آقايان بئي اعدام حؤکمونون قاچيلماز تهلوکه سينده

داها ائرکنکي ايلتيشمه ميزه علاوه اولاراق (ساي: ۳۴۹/۲۰۰۶، تاريخ: ۱۶ جولای ۲۰۰۶؛ ساي: ۳۶۵/۲۰۰۶، تاريخ: ۱۹ آگوست، ۲۰۰۶؛ و ساي: ۴۸۵/۲۰۰۸، تاريخ: ۲۸ ژانویه، ۲۰۰۸)، ايندي گونئي آذربايجان ميلليتلي و ايران ايسلام جمهوریسي نين وطنداشي اولان يونس آقايان بئي، اؤلوم حؤکمونون سيراسيندادير و ايران يئتگيليلري طرفيندن قاچيلماز اعدام تهلوکه سينده دير. يالنيز سيزين مانداتلارينيز بو اؤز-خوشونا اعدام جزاسينا قارشي موداخيله ائتمک عؤهدهسيندن گه لر. بو سون دورومدا درج اولونان دئتايلار اعدام حؤکمونون عدالتسيزليگيني گؤسترير. سيزين تعجيلي حرکتينيزه احتيياج دويولور چونکي، باشقا بير گونئي آذربايجانلي اولان مئهدي قاسيمزادئ بي (لوطفن هر ايکي فردلر حاقيندا بيزيم بيرگه بيلگيلريميز اوچون موراجيعتينيزي يؤنلدين ساي: ۳۴۹/۲۰۰۶، تاريخ: ۱۶ جولای ۲۰۰۶) ايران يئتگيليلري طرفيندن ۳ مارچ ۲۰۰۹-دا شيديرغي اعداما معروض قالدي و اونون دورومو عئينن آقايان بيين دورومو کيميدير.

ايران يئتگيليلري طرفيندن آقايان بئيه قارشي اؤز-خوشونا داورانيش باره ده دئتايلار جدول ۱ سونولور و اونون ييغجامي آشاغيدا جمله نير*:

۱. قيش ۲۰۰۳-ده، آقايان بيين دوغوم يئري اولان اوچ تپه کندينده بير نئچه گئنج اونلارين اؤرنيميش (ويرانايا چئوريلميش) کند دورومونو ايفاده ائتمک اوچون بير کيتابچا ياييملاديلار و بونون سببيني علوي دينينه و آذربايجان ميلليتينه قارشي گئدن آيري-سئچکيليک ايله ايضاح ائديرديلر. بو تشببوسون نتيجه سينده ۵ گئنج توتوقلاندي.

۲. ياز ۲۰۰۴-ده، توتوقلولار گيرووا بوراخيلديلار، آنجاق سونرا سيلاحلي ضابيطلر کنده باسقين ائديب و آرخا-پلانلاريني يوروتمک اوچون بو فردلري يئنيدن توتوقلاماق ايسته ييرديلر. اصلینده توتوقلامانين سببي ايران يئتگيليلري نظرينده علويلرين مالدارليق مرکزينه کوفر گؤزو ايله باخمالاري ايدي. سيلاهلي قوووه لرين موداخيله سي جاماعاتين اعتيراضينا سبب اولموش و مأمورلار بونو چاققيشمايا گتيريب چيخارميشديلار. نتيجه ده ۶ نفر علوي-آذربايجانلي گولللنمکدن اؤلدورولموشدولر کي قاباقکي توتوقلولارين اوچو ده بو قوربانلار سيراسيندا ايدي. اوته ليک، سيلاهلي مأمورلارين عينادلي عملياتلاري نتيجه ده ايکي نفر ده اؤزلريندن، نئجه دئيرلر، دوستجاسينا چاققيشمالاريندا هلاک اولور.

۳. ۲۰۰۵-ده قاسيمزاده بئي کي ۲۰۰۴-ده دؤولتين باسقينيندا ياخالانميشدي (و تصوور اولونور کي ائله آقايان بئيده عئيني زاماندا ياخالانميشدي) هر ايکيسي ده سوچسوز ايديلر لاکين سويوقبولاق محکمه سينده اعدام حؤکمونه معروض قاليرلار.

۴. ۲۰۰۶-دا تئهرانداکي ايستيناف محکمه سي قاسمزاده بئيه و آقايان بئيه قارشي اؤز-خوشونا اعدام حؤکمونو تاييد ائتدي، لاکين آقايان به يه سؤز وئريلميشديله کي، اؤز اينانجيندان تؤوبه ائتسه اعدام حؤکمو دوشوروله جکدير. بونا باخماياراق، ۳ مارچ ۲۰۰۹-دا قاسمزاده بئيه اؤلوم جزاسي قيييلدي و ايندي ده تاييد اولونوب کي آقايان بئي اؤلوم سيراسيندادير.

ايران يئتگيليلري طرفيندن کسيلن اييرنج اؤلوم حؤکمو يونس آقايان بئيين ياشاما حاقينا قارشي اينسان هاقلاري نين پوزولماسي دئمکدير. بو حاق ب.م.ت- نين اورنسل اينسان حاقلاري بيلديرگه سي نين مادده ۳-ده قالديريلميش ([1] www.un.org/Ove…) و ائلجه ده مولکي و سيياسي حاقلار اوزره بين الخالق آنلاشمادا قاييمجاسينا تاييد اولونوب. بو حاق قئيد ائدير کي، ” هر کيمسه نين ياشاماق حاقي واردير. بو هاق قانون برکتينه قوروناجاقدير. هئچ کيم ياشاماق حاقيندان اؤز-خوشونا يوخسون ائديله بيلمز.

([2] www2.ohchr.org…).” بيزيم بيلگيلريميزه گؤره، ب.م.ت-نين مانداتي وار کي، بو حاقي قانون يئتگيسينه مينديريلمه سيني و ايجراسيني هر عوضو اؤلکه دن طلب ائتسين. بو اساسدا سيزه موراجيعت ائديريک کي، آقايان بيين جانيني قورتارماق اوچون و اونون اينسان حاقلاري نين ديرچلديلمه سي اوچون اؤز کامپانييانيزي باشلاياسينيز. قايغينيز اوچون قاباقجادان ميننتداريق.

حؤرمت ايله؛
علي تاشکنت
دونيا آذربايجانليلاري نين حاقلاريني مودافيعه کوميته سي نين صدري

* بيلگيلر اوچون [3] بورا تيکلايين
http://www.baybak.com/depo11007/DUNAZHAK-513-2009.pdf