اهل-ي حق مي، گوران مي، يوخسا قيزيلباش علوي؟

اهل-ي حق مي، گوران مي، يوخسا قيزيلباش علوي؟

سلام

ميللي حركت سايتيندا، تورك علوي قيزيلباشلار، تكجه اهل-ي حق اولاراق تانيديليبلار:

27 مین روز اعتصاب غذای زندانیان اهل حق ارومیه / متن نامه اخیر زندانیان
http://www.milliharakat.com/newscontents1465.php

دفعه لرله سؤيله ندييي كيمي، بو آدلانديرما يانليشدير.
اهل-ي حق، ايرانيك- كورد بير اينانجدير، داها دوغروسو علويلييين ايراني قول و يا داليدير.
قيزيلباشليق و بكتاشيليك ايسه، توركيك- تورك بير اينانجدير، داها دوغروسو علويلييين تورك قول و يا داليدير.

كوردلرين آزربايجان شهه رلرينه گؤز ديكديكلري و صاحيب چيخديقلاري، آزربايجانين باتي بؤلگه لريني كوردوستانلاشديرمايا چاليشديقلاري هاميجا بيلينه ن بير گرچه كدير.

آنجاق، ايش بونونلا بيتمير. كوردلر، تورك و آزربايجان ديني و اينانج قوروپلارينا دا گؤز ديكيب اونلاري كوردله شديرمك نييتينده ديرلر. ان باشدا سونني توركلر (كوره سوننيلير) و تورك قيزيلباش علويلير بو تهلوكه ايله قارشي قارشيياديرلار. اونلار بو دوغرولتودا تورك قيزيلباش علويلري بؤيوك اؤلچوده اهل-ي حق و دولاييسي ايله كوردله شديريبلر. بو دوروم فارسلارين جعفري و باهايي توركلري، فارسلاشديرديقلاري و فارسيستاندا يئرله شه ن عئلمييه حؤوزه و باهايي محفيللريني باغلاديقلاري سوره جينه بنزه يير.

دوغرودور، تورك قيزيلباش علويلري اؤزلري اهل-ي حق آديني دا ايشله ديرلر و اؤزلريني كوردوستانين كيرمانشاه اوستانيندا يئرله شه ن بير مركزه باغلي بيليرلر. آنجاق بو، بير سيرا تورك آيدين و شخصييتين تورك يئرينه اؤزلريني آذري دييه تانيتديقلاري و اؤزلريني تئهرانا باغلي بيلديكلري كيمي، اونلارين كيمليكسيزله شمه يه، داها دوغروسو كوردله شمه يه باشلاديقلاريني گؤرسه دير. بو سوره جه دور دئمك لازيمدير.

آزربايجانلي شخصييتلر، اينسان حاقلاري درنه كلري و خبر سايتلاري، تورك قيزيلباش علويلري، اهل-ي حق آدلانديرماقلا، اونلارين كوردله شديريلمه سينه كؤمه ك ائديرلر. بو يانليشليغا سون وئريلمه ليدير. تورك قيزيلباش علويلري دوغرو و گئرچه ك آدلاري ايله آدلانديرماق، بير ياندان اونلارين تورك اولدوقلاريني وورقولاماق، كوردله شديريلمه لرينين قاباغيني آلماق و باشقا بير ياندان اونلاري كوردوستانين كيرمانشاهينا باغليليقدان قورتاريب، توركييه ده ياشايان اؤز اصل و قايناقلارينا باغلاماغا، قاووشدورماغا يارديم ائده ر.

تورك قيزيلباش علويلردن سؤز ائده نده، اؤزه لليكله خبر و راپورلاردا، اونلارين آدلاري بو شكيلده يازيلماليدير: تورك قيزيلباش علويلر (اهل-ي حاق) و يا فارسجا اولاراق: علويان قزلباش ترك (اهل حق).

آيريجا اونلار حاققيندا "گوران" آدي دا ايشله ديلمه مه ليدير. بيرينجيسي بونا گؤره كي بو آدي شيعه لر تورك علويلره وئريبلر. آيريجا تورك قيزيلباش علويلري اؤزلري بو آدين ايشله ديلمه سيندن اولدوقجا راحاتسيز اولورلار. ايكينجيسي بونا گؤره كي گورانلار دا كيرمانشاهدا ياشايان باشقا بير اهل-ي حاق (يارئسان) كورد قوروبونون آديدير و بو آدي ايشله تمك، گينه ده تورك قيزيلباش علويلري كوردله شديرمك دئمكدير.

داها آرتيق بيلگي اوچون بو سايتا باخيلابيله ر:
http://qirxlar.blogspot.com/

سايقيلاريملا
مئهران باهارلي

Ehl-i Haq mi, Goran mi, yoxsa Qizilbash Elevi?

----------------

Salam

Milli hereket saytinda Turk Elevi Qizilbashlar, tekce Ehl-i haq olaraq tanidiliblar.
27 مین روز اعتصاب غذای زندانیان اهل حق ارومیه / متن نامه اخیر زندانیان
http://www.milliharakat.com/newscontents1465.php

Defelerle soylendiyi kimi bu adlandirma, yanlishdir.

Ehl-i haq, Iranic- Kurd bir inancdir, daha dogrusu Eleviliyin Irani qol veya dalidir.

Qizilbashliq ve Bektashilik ise Turkic-Turk bir inancdir, daha dogrusu Eleviliyin Turk qol veya dalidir.

Kurdlerin Azerbaycan sheherlerine goz dikdikleri ve sahib chixdiqlari, Azerbaycanin bati bolgelerini Kurdustanlashdirmaya chalishdiqlari hamica bilinen bir gerchekdir.

Ancaq ish bununla bitmir. Kurdler, Turk ve Azerbaycan dini ve inanc qurublarina da goz dikib onlari Kurdleshdirmek niyyetindedirler. En bashda Turk Sunniler (Kuresunniler) ve Turk Qizilbash Eleviler bu tehluke ile qarshi qarshiyadirlar. Onlar bu dogrultuda Turk Qizilbash Eleviler boyuk olchude Ehl-i haq ve dolayisi ile Kurdleshdiribler. Bu durum Farslarin Ce'feri ve Bahayi Turkleri, Farslashdirdiqlari ve Farsistanda yerleshen Hovzehaye Elmiyye ve Bahai Mehfillerine bagladiqlari surecine benzeyir.

Dogrudur, Turk Qizilbash Elevileri ozleri Ehl-i haq adini da ishledirler, ancaq bu, bir sira Turk aydin ve shexsiyetin Turk yerine ozlerini Azeri diye tanitdiqlari kimi, onlarin kimliksizleshmeye, daha dogrusu Kurdleshmeye bashladiqlarini gosterir. Bu surece dur demek lazimdir.

Azerbaycanli shexsiyetler, insan haqlari dernekleri ve xeber saytlari, Turk Qizilbash Elevileri, Ehl-i haq adlandirmaqla, onlarin Kurdleshdirilmesine komek edirler. Bu yanlishliga son verilmelidir.Turk Qizilbash Elevileri dogru ve gerchek adlari ile adlandirmaq, bir yandan onlarin Turk olduqlarini vurqulamaq, Kurdleshdirilmelerinin qabagini almaq ve bashqa bir yandan onlari Kurdustanin Kirmanshahina bagliliqdan qurtarib, Turkiyede yashayan oz esl ve qaynaqlarin baglamaga, qavushdurmaya yardim eder.

Turk Qizilbash Elevilerden soz edende, ozellikle xeber ve raporlarda olarin adlari bu shekile yazilmalidir: Turk Qizilbash Eleviler (Ehl-i Haq).

Ayrica onlar haqqinda Goran adi da ishledilmemelidir. Birincisi buna gore ki bu adi Shieler Turk Elevilere veribler, ayrica Turk Qizilbash Eleviler, ozleri bu adin ishledilmesinden olduqca rahatsiz olurlar. Ikincisi buna gore ki Goranlar da Kirmanshahda yashayan bashqa bir Ehl-i Haq (Yaresan) Kurd qurubunun adidir ve bu adi ishletmek gine de Turk Qizilbash Elevileri Kurdleshdirmek demekdir.

Daha artiq bilgi uchun bu sayta baxilabiler:

http://qirxlar.blogspot.com/

Sayqilarimla
Mehran Baharli