ایران-دا علوي آزربایجان‌لی محبوس‌لار آجلیق آکسیاسی گئچیریر
ایران-دا علوي آزربایجان‌لی محبوس‌لار آجلیق آکسیاسی گئچیریر
اودگون(چهارشنبه) ۱۷ مهر ۱٣٨۷ - ٨ اکتبر ۲۰۰٨
آمئریکا سسی: اورمیه شهه ری‌نین مرکزی زیندانیندا ساخلانیلان 5 علوی محبوس - سهندعلی محمدی، بخشعلی محمدی، عباداله قاسم‌زاده، یونس آقایان و مهدی قاسم‌زاده زیندان‌داکی دؤزولمه ز ساخلانما شرايیطینه، محبوس‌لارا و عاييله‌لرینه تضییق و تحقیرلره قارشی ائعتيراض علامتی اولا‌راق آجلیق آکسیاسی گئچیریرلر. بو معلوماتی "آزربایجان سيیاسی محبوس‌لارینی مودافيعه کومیته‌سی" یاییب. معلوماتا گؤره، 20 گون اؤنجه‌دن باشلایان آجلیق آکسیاسی ایشتیراک‌چی‌لارینین دورومو اولدوقجا آغیردیر.
تئهران حؤکومتی ایسه آجلیق ائده ن محبوس‌لاردان 3 نفری - سهندعلی محمدی، بخشعلی محمدی و عباداله قاسم‌زاده حاققیندا 13 ایل موددتینه ایرانین مرکزینده یئرله شه ن و دؤزولمه ز شرایيطینه گؤره آد چیخاران یزد حبس‌خاناسینا سورگون قراری چیخاریب. بو قرار بیر گون اؤنجه یازی‌لی اولا‌راق محبوس‌لارین اؤزونه ائعلان ائدیلیب.
"اؤیره نجی" وئب صحیفه‌سی‌نین و آزربایجان علوی‌لرینه عايید "قیرخ‌لار" بلوگونون بیلدیردیيینه گؤره، 3 ایل اؤنجه دینی اینانج‌لارینین تحقیر اولونماسینا ائعتيراض ائده ن میاندوآب و یا خود قوشاچای شهه ری‌نین اوچ تپه کندی‌نین ساکین‌لری ایله ایرانین امنيیت قووه‌لری آراسیندا سيلاح‌لی توققوشما‌لار باش وئرمیش، نتیجه‌ده 3 کند ساکینی، 3 تهلوکه‌سیزلیک قووه‌سی هلاک اولموش، اونلارلا اینسان یارالانمیش، بیر قوروپ کند ساکینی، او جومله‌دن حاضيردا آجلیق ائده ن 5 محبوس حبس ائدیلمیش‌دیر. ایران ایسلام اینقیلابی محکمه‌سی اوولجه اونلارین حاققیندا اؤلوم حؤکمو چیخارسا دا، بیر موددت سونرا 3 محبوسا قارشی ائعدام قراری لغو ائدیلیب.
قئید ائده ک کی، آزربایجان علوی‌لری اساسن اورمیه، میاندوآب و ماهاباد کیمی بؤلگه‌لرده یاشاییرلار.
posted by Mehran Baharlı at 9:46 AM
0 Comments:
Post a Comment
<< Home