پير سولطان آبدال : سئللر منى شاه حوسئين´ه گؤتورون!
ايللر ايلى حسرتينى چكه ره م
يوللار منى شاه حوسئين´ه گؤتورون!
آغلار آغلار گؤز ياشيمى تؤكه ره م
سئللر منى شاه حوسئين´ه گؤتورون!
يانيرى اوره ييم٫ اريدى ياغيم
ويرانه يه دؤندو بو گنجليك چاغيم
يارپاقلارى تؤكموش ويرانه باغيم
گوللر٫ منى شاه حوسئين´ه گؤتورون!
دايانماز بو ظولمه اريدى داغلار
اؤزوم شاه´ا صاديق٫ گؤزوم قان آغلار
قييامته قده ر گؤز ياشيم چاغلار
يئللر منى شاه حوسئين´ه گؤتورون!
اوول و آخيرده وار ايدى اونلار
آرتيق كربلا´دا آل قيزيل قانلار
يارالى اوره كلر٫ آه چكه ن جانلار
قوللار منى شاه حوسئين´ه گؤتورون!
آبدال پير خونكار´يم باغلاندى يولوم
نسلى محممد´ه نه دير بو ظولوم؟
قالسين او ديوانا كربلا چؤلوم
چؤللر منى شاه حوسئين´ه گؤتورون!
posted by Mehran Baharlı at 6:12 PM
0 Comments:
Post a Comment
<< Home