شاخسئى و جمع آيينلرينده اوخونان ايكى آغيت (دو مرثيه)

شاه اسماعيل ختايى:

دومانلىدير اوجا داغلار٬ آه حوسئين٫ واه حوسئين!

شاخسئى و جمع آيينلرينده اوخونان آغيت (مرثيه)

بوگون ماتم گونو گلدى
آه حوسئين٫ واه حوسئين!
سنين دردين باغريم دلدى
آه حوسئين٫ واه حوسئين!

كربلان´ين اؤنو يازى
اوره ييمدن چيخماز سيزى
يئزيدلرمى قيردى سيزى؟
آه حوسئين٫ واه حوسئين!

بيزيمله گله نلر گلسين!
سرينى مئيدانا قويسون!
حوسئين ايله شهيد اولسون!
آه حوسئين٫ واه حوسئين!

كربلان´ين يازىلارى
شهيد دوشدو غازىلرى
فاطمانا´نين قوزولارى
آه حوسئين٫ واه حوسئين!

كربلان´ين اؤنو دوزدور
گئجه لر منه گوندوزدور
شاه كربلا´دا يالنيزدير
آه حوسئين٫ واه حوسئين!

ايشده گلدى باهار يازلار٫
يازى يازلار٫ قوزو قوزلار
فاطمانا يوللارين گؤزله ر
آه حوسئين واه حوسئين!

آتان على٫ آنان فاطما
درد اوستونه دردلر قاتما
ديداريندان محروم ائتمه
آه حوسئين٫ واه حوسئين!

فاطمانا زولفونو چؤزه ر
آغلايا آغلايا گزه ر
مؤمينلرين باغرين ازه ر
آه حوسئين٫ شاه حوسئين!

خزل اولدو باخچا باغلار
دومانلىدير اوجا داغلار
جان ختايى يانار آغلار
آه حوسئين٫ شاه حوسئين!